Catherine

An dr Basler Fasnacht, // das waiss me dängg,
gfalle allne sicher d Schnitzebängg.
Nai, nai, seit d’Catherine, s Bescht isch doo,
e Schyssdrägg-Zügli mit mir am Piccolo.

81, 82, -3e, -4e, -5e, 86, 87, 88, 89, 90!
Sovyyl wärdes sicher sii,
in rot, blau, grien - // do hänggsch Dy drii.
E ganze Kaaschte kasch Du scho fülle,
mit Dynere Sammlig vo spezielle Brülle.

E langi Schlange // und s fallt is uff,
no kai Billjee hän sie // und sin muff.
Kaine lacht, // s luegt jede grimmig,
zem Gligg hesch Du // e gueti Stimmig.

Tickets do // und Tickets dört,
jede will Tickets, isch das nit gschtört?
Dr Herr D verzwyyflet, suecht no drei Stügg,
bim Schatzkischtli vo dr Catherine het är Glügg.

Rhyschwimme findet sie ganz doll,
s macht glügglig und isch wundervoll.
Schüttlet s Wasser nochhär us em Ohr
und goot go singe mit ihrem Chor.

In Saint Luc sehsch sie d Pischte abeflitze,
elegant mit Schwung // und ohni z Schwitze.
Sie kaa singe, danze, isch uffgstellt und fit
und bringt Roggebrot und Angge mit.

Sponsore bruuchts – das isch dängg wichtig,
die muesch dätschle, hätschle // und zwar richtig.
Mit Charme duet d Kässrin d Gönner yyseiffe,
hesch aimool zahlt, // kasch nie meh kneiffe.

21, 22, -3e, -4e, -5e, 26, 27, 28, 29, 30!
Fascht sovyyl Joor // bisch Du derby,
wie schnäll goot doch die Zyt verby.
Zem Abschied maint nur kurz dr Gölle,
jetz isch Schluss mit Röck’n Rölle.

Sie duet d Session jetz verloo,
und dr Räntner-Wäg yyschloo.
«ALSO MIR» - wette das nit miesse,
mir wurde lieber Team-Event no gniesse.

Projess und Opacc bedient sie mit linggs,
s HR im Griff, die Catherine die bringts.
Het Geduld und für alli e offe Ohr,
Dy Ussdritt isch gschtriche 5 wyteri Joor.

Dr Käller Bangg het jetze Durscht,
mir wisse zwor, // das isch Eich Wurscht.
Mir gehn jetz go Gleeser stämme
und Catherine sait Eich «Sali zämme».

Stopp – halt! No ebbis mien mir kläre,
bevor mir unseri Gleeser lääre.
Mit Alkohol wötte mir nit spaare,
Catherine, // duesch Du uns nochhär Haime fahre?